ເມື່ອບໍ່ດົນມານີ້ SUN ລາວ ໄດ້ທຳການສຳຫຼວດພະນັກງານ 229 ທ່ານ ຈາກ 42 ອົງກອນ. ພວກເຮົາໄດ້ຖາມເຖິງຄວາມຮັບຮູ້ຂອງເຂົາເຈົ້າຮູ້ກ່ຽວກັບນະໂຍບາຍ ແລະ ການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກຂອງເຂົາເຈົ້າ. ຜົນການສຳຫຼວດເປັນໄປໃນທິດທາງທີ່ດີຂຶ້ນ, ຄວາມຮັບຮູ້ ແລະ ການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກຂອງພະນັກງານ ດີຂຶ້ນເມື່ອທຽບກັບປີກາຍນີ້, ແຕ່ກໍຍັງມີບາງຈຸດທີ່ຕ້ອງໄດ້ຮັບການປັບປຸງ ເພື່ອສະໜັບສະໜູນການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກ.
ການສຳຫຼວດຄຳຄິດເຫັນພະນັກງານກ່ຽວກັບການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກ ໃນເດືອນຕຸລາ 2023
- ພະນັກງານ 229 ຄົນ ຖືກສຳຫຼວດ (50% ຍິງ)
- 42 ອົງກອນ (19 CSOs, 19 INGOs)
- ພະນັກງານຈາກ 16 ແຂວງ
ຄວາມຮັບຮູ້ຂອງພະນັກງານກ່ຽວກັບນະໂຍບາຍການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກ.
- 59% ຂອງພະນັກງານຮູ້ກ່ຽວກັບນະໂຍບາຍການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກຂອງຕົນ (ເພີ່ມຂຶ້ນ 20% ຈາກປີກາຍ).
- 51% ຕອບວ່າ ໄລຍະພັກເກີດລູກແມ່ນ 3 ເດືອນ, 30% ຕອບວ່າ 6 ເດືອນ.
- 13% ຕອບວ່າ ເຂົາເຈົ້າບໍ່ຮູ້ວ່າພະນັກງານສາມາດພັກໃນໂມງວຽກ ເພື່ອໃຊ້ເຂົ້າໃນການລ້ຽງລູກດ້ວຍນໍ້ານົມແມ່ຫຼືບໍ່.
- 28% ຕອບວ່າ ເຂົາເຈົ້າບໍ່ຮູ້ວ່າຜູ້ເປັນພໍ່ສາມາດພັກໄລຍະເມຍເກີດລູກໄດ້ດົນເທົ່າໃດ.
ປະສົບການຂອງພະນັກງານທີ່ລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກ
- ມີພຽງ 45% ຂອງພະນັກງານທີ່ແມ່ທີ່ໃຫ້ນົມລູກ ສາມາດລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກ, (ດີຂຶ້ນ 15% ຈາກປີກາຍນີ້).
- 20% ຂອງພະນັກງານທີ່ໃຫ້ນົມລູກຕອບວ່າ ເຂົາເຈົ້າໃຫ້ລູກກິນນໍ້ານົມແມ່ເປັນເວລາ 1-3 ເດືອນ.
- 40% ຂອງພະນັກງານທີ່ໃຫ້ນົມລູກຕອບວ່າ ເຂົາເຈົ້າໃຫ້ລູກກິນນໍ້ານົມແມ່ເປັນເວລາ 3-6 ເດືອນ.
- 40% ຂອງພະນັກງານທີ່ໃຫ້ນົມລູກຕອບວ່າ ເຂົາເຈົ້າໃຫ້ລູກກິນນໍ້ານົມແມ່ເປັນເວລາ 6-9 ເດືອນ.
- ບໍ່ມີໃຜເລີຍທີ່ຕອບວ່າ ເຂົາເຈົ້າໃຫ້ລູກກິນນໍ້ານົມແມ່ເປັນເວລາຫຼາຍກວ່າ 9 ເດືອນ.
ເມື່ອຖາມວ່າ ເປັນຫຍັງພະນັກງານບໍ່ລ້ຽງລູກດ້ວຍນໍ້ານົມແມ່ ຫຼື ປໍ້ານໍ້ານົມ ຢູ່ບ່ອນເຮັດວຽກ:
- 25% ຕອບວ່າ ເຂົາເຈົ້າຕ້ອງໄດ້ເດີນທາງໄປວຽກ.
- 25% ຕອບວ່າ ເຂົາເຈົ້າອາຍ ຫຼື ກັງວົນວ່າຈະລົບກວນເພື່ອນຮ່ວມງານ.
- 20% ຕອບວ່າ ບໍ່ມີພື້ນທີ່ ຫຼື ສິ່ງອຳນວຍຄວາມສະດວກທີ່ເໝາະສົມ.
- 6% ຕອບວ່າ ບໍ່ມີນະໂຍບາຍສົ່ງເສີມການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກຂອງຕົນ.
- 6% ຕອບວ່າ ເຂົາເຈົ້າອາໃສຢູ່ໃກ້ກັບບ່ອນເຮັດວຽກ ດັ່ງນັ້ເຂົາເຈົ້າຈຶ່ງກັບບ້ານເພື່ອໄປໃຫ້ນົມລູກ.
SUN CSA ລາວ ສະໜັບສະໜູນໃຫ້ທຸກອົງກອນ ແລະ ສະຖານທີ່ເຮັດວຽກທຸກບ່ອນ ປະຕິບັດ 10 ຂໍ້ເພື່ອສົ່ງເສີມການລ້ຽງລູກດ້ວຍນໍ້ານົມແມ່ໃນປະເທດລາວ.
ລາຍລະອຽດເພີ່ມເຕີມທີ່ໄດ້ຈາກ “ການສຳຫຼວດພະນັກງານ ກ່ຽວກັບການປະຕິບັດການລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກ” ຈະຖືກແບ່ງປັນໃນໄວໆນີ້. ກະລຸນາຕິດຕໍ່ກອງເລຂາຖ້າທ່ານຕ້ອງການຮູ້ກ່ຽວກັບຜົນການສຳຫຼວດຂອງອົງກອນຂອງທ່ານເພີ່ມເຕີມ.