ຂໍຂອບໃຈ JSI ສຳລັບການນຳສະເໜີກ່ຽວກັບຜົນການສຶກສາພາຍໃຕ້ໂຄງການໂພຊະນາການຂອງພວກທ່ານ, ອົງກອນສະມາຊິກ SUN CSA ໄດ້ເຂົ້າໃຈຫຼາຍຂຶ້ນກ່ຽວກັບສະຖານະພາບໃນປັດຈຸບັນ ກ່ຽວກັບສຸຂະພາບ, ພຶດຕິກຳ, ທັດສະນະຄະຕິ ແລະ ສີງທີ່ປະຕິບັດ ທີ່ກ່ຽວຂ້ອງກັບຕົວຊີ້ວັດທີ່ສໍາຄັນໃນວຽການສຸຂະພາບ ແລະ ໂພຊະນາການ ຂອງໄວຈະເລີນພັນ, ແມ່, ເດັກເກີດໃໝ່, ເດັກ ແລະ ໄວໜຸ່ມ (RMNCAHN) ຢູ່ 5 ແຂວງ (ສະຫວັນນະເຂດ, ສາລະວັນ, ເຊກອງ, ອຸດົມໄຊ ແລະ ຜົ້ງສາລີ).
ໄວໜຸ່ມຈຳນວນຫຼາຍບໍ່ຄ່ອຍເຂົ້າໃຈລະບົບການບໍລິການສຸຂະພາບທາງເພດ ແລະ ສຸຂະພາບຈະເລີນພັນ ແລະ ບໍ່ແນ່ໃຈວ່າຈະສາມາດຮັບຄຳປຶກສາໄດ້ຢູ່ໃສ, ມີເຖິງ 31% ຂອງເດັກທີ່ເກີດໃໝ່ໄດ້ຖືກປ້ອນອາຫານອື່ນໆນອກຈາກນໍ້ານົມແມ່ ໃນ 3 ວັນທຳອິດ, ມີຄວາມກັງວົນກ່ຽວກັບຄວາມຈໍາກັດໃນການສະໜອງຢາແບບບໍ່ເສຍຄ່າຢູ່ໂຮງໝໍນ້ອຍ ແລະ ໂຮງໝໍຊຸມຊົນ. ນີ້ເປັນພຽງຜົນການສຳຫຼວດບາງສ່ວນຈາກໂຄງການ ສ້າງຄວາມເຂັ້ມແຂງວຽກງານສຸຂະພາບ ແລະ ໂພຊະນາການຂອງແມ່ ແລະ ເດັກ ໂດຍ JSI.
ຂໍຂອບໃຈ ທ່ານ ພຸດທະສອນ ພິມມະໄກສອນ ຈາກສະຖາບັນຄົ້ນຄວ້າ ແລະ ຝຶກອົບຮົມ JSI ທີ່ໄດ້ມາແບ່ງປັນຂໍ້ມູນກ່ຽວກັບຕົວຊີ້ວັດວຽກງານ RMNCAHN ກັບພະນັກງານ 32 ທ່ານ ໃນເວທີສົນທະນາອອນໄລນ໌ SUN CSA ໃນວັນທີ 1 ກັນຍາ 2023!