ຂໍ້ມູນກ່ຽວກັບການລ້ຽງລູກດ້ວຍນໍ້ານົມແມ່

ດ້ວຍຄວາມພະຍາມຍາມຂອງລັດຖະບານ ແລະ ບັນດາຄູ່ຮ່ວມພັດທະນາຕ່າງໆ, ອັດຕາການລ້ຽງລູກດ້ວຍນໍ້ານົມແມ່ໃນລາວໄດ້ເພີ່ມຂຶ້ນຢ່າງຕໍ່ເນື່ອງຈາກ 40% ໃນປີ 2011, 45% ໃນປີ 2017 (LSIS-1), 66% ໃນປີ 2019 ມາເປັນ 76% ໃນປີ 2022, ແຕ່ຫຼຸດລົງເຫຼືອ 70% ໃນີ2023 (ການສຳຫຼວດເຝົ້າລະວັງແຫ່ງຊາດ ຂອງ ສປປ ລາວ – ມີຖຸນາ 2023). ເຖິງແມ່ນວ່າການເພີ່ມຂຶ້ນໂດຍລວມເຫຼົ່ານີ້ຈະເປັນໄປໃນທາງບວກ ແຕ່ກໍຍັງມີຄວາມທ້າທາຍຢ່າງຕໍ່ເນື່ອງຈາກການນຳໃຊ້ປະລິດຕະພັນທົດແທນນໍ້ານົມແມ່ ແລະ ປັດໄຈອື່ນໆ. ນອກຈາກນີ້, ອັດຕາການລ້ຽງລູກດ້ວຍນໍ້ານົມແມ່ ສຳລັບແມ່ທີ່ເຮັດວຽກ ຕໍ່າກວ່າຫຼາຍ. ໃນເດືອນກໍລະກົດ 2022, SUN CSA ລາວ ໄດ້ດຳເນີນການສຳຫຼວດກ່ຽວກັບການລ້ຽງລູກດ້ວຍນໍ້ານົມແມ່, ຊຶ່ງພົບວ່າມີພຽງ 30% ຂອງພະນັກງານທີ່ຢູ່ໃນໄລຍະໃຫ້ນົມລູກ ສາມາດລ້ຽງລູກດ້ວຍນໍ້ານົມແມ່ຢູ່ບ່ອນເຮັດວຽກໄດ້.

ອົງກອນສະມາຊິກ SUN CSA ເຫັນໄດ້ເຖິງສິ່ງທ້າທາຍເຫຼົ່ານັ້ນ ແລະ ກໍໄດ້ເຮັດວຽກເພື່ອເພີ່ມອັດຕາການລ້ຽງລູກດ້ວຍນໍ້ານົມແມ່. ໃນຄວາມຮ່ວມມືກັບລັດຖະບານ ສປປ ລາວ, ກໍຄືພາກສ່ວນທີ່ກ່ຽວຂ້ອງຕ່າງໆໃນ SUN ລາວ ຊຶ່ງລວມມີຜູ້ໃຫ້ທຶນຈາກສາກົນ ແລະ UN, ບັນດາອົງການຈັດຕັ້ງທາງສັງຄົມ ແມ່ນກຳລັງຊອກຫາແນວທາງແກ້ໄຂ ແລະ ເຮັດວຽກເພື່ອຫຼຸດຜ່ອນສິ່ງທ້າທາຍເຫຼົ່ານີ້.

ຢູ່ດ້ານລຸ່ມນີ້, ທ່ານຈະຈະສາມາດຄົ້ນຫາການສຳຫຼວດ ແລະ ບົດລາຍງານທີ່ກ່ຽວຂ້ອງກັບການລ້ຽງລູກດ້ວຍນໍ້ານົມແມ່ໃນປະເທດລາວ ແລະ ຄຳແນະນຳກ່ຽວກັບວິທີການຕອບສະໜອງວຽກງານດັ່ງກ່າວ.

ກະລຸນາແບ່ງປັນເອກະສານ ຫຼື ຂໍ້ມູນຕ່າງໆທີ່ທ່ານມີ ກັບກອງເລຂາ SUN CSA ເພື່ອຈະໄດ້ເພີ່ມລົງໃນໜ້ານີ້ ແລະ ແບ່ງປັນໃຫ້ກັບພາກສ່ວນທີ່ກ່ຽວຂ້ອງທັງໝົດ.

ໂດຍການຮ່ວມມືກັນ ພວກເຮົາຈະສາມາດຊ່ວຍໃຫ້ຜູ້ເປັນພໍ່ ແລະ ແມ່ ໃນປະເທດລາວສາມາລ້ຽງລູກດ້ວຍນໍ້ານົມແມ່ໄດ້ໄລຍະເວລາທີ່ດົນຂຶ້ນ ແລະ ຊ່ວຍປັບປຸງໂພຊະນາການໂດຍລວມຂອງລູກໄດ້.