ການຄ້ຳປະກັນສະບຽງອາຫານ

ມີຫຼາຍຄອບຄົວຢູ່ ໃນ ສປປ ລາວ ທີ່ກຳລັງປະເຊີນກັບສິ່ງທ້າທາຍຫຼາຍດ້ານໃນຊຸມຊົນຕະຫຼອດໄລຍະຫຼາຍປີທີ່ຜ່ານມາ. ນັບ​ແຕ່​ປີ 2020 ເປັນຕົ້ນ​ມາ, ການ​ແຜ່​ລະບາດ​ຂອງ​ພະຍາດ​ໂຄ​ວິດ ​ໄດ້​ສົ່ງຜົນກະທົບໃຫ້ຄຸນນະພາບຊີວິດ ແລະ ​ລາຍ​ຮັບ​ຂອງ​ປະຊາຊົນຈຳນວນຫຼາຍຫຼຸດລົງ. ນັບແຕ່ປີ 2022 ເປັນຕົ້ນມາ, ພາວະເງິນເຟີ້ ແລະ ການອ່ອນຄ່າຂອງເງິນໃນທົ່ວໂລກ ໄດ້ສົ່ງຜົນກະທົບທາງລົບຕໍ່ເສດຖະກິດຂອງລາວ, ເຮັດໃຫ້ມີອັດຕາເງິນເຟີ້ເພີ່ມຂຶ້ນເຖິງ 40% ໃນເດືອນມັງກອນ 2023. ສິ່ງທ້າທາຍດ້ານເສດຖະກິດເຫຼົ່ານີ້ ສົ່ງຜົນໃຫ້ຫຼາຍຄອບຄົວພົບຄວາມຫຍຸ້ງຍາກຫຼາຍຂຶ້ນ ໃນການຫາລ້ຽງຊີບ ແລະ ເກີດຄວາມບໍ່ໝັ້ນຄົງທາງດ້ານສະບຽງອາຫານໃນທົ່ວປະເທດ.

ອົງກອນສະມາຊິກ SUN CSA ໄດ້ຮັບຮູ້ເຖິງສິ່ງທ້າທາຍ ແລະ ໄດ້ເຮັດວຽກເພື່ອປັບປຸງ ຄວາມຫມັ້ນຄົງດ້ານສະບຽງອາຫານ. ພາຍໃຕ້ການຮ່ວມມືກັບລັດຖະບານ ສປປ ລາວ, ຕະຫຼອດເຖິງ ພາກສ່ວນກ່ຽວຂ້ອງກ່ຽວກັບວຽກງານ SUN ໃນລາວ ຊຶ່ງລວມເຖິງຜູ້ໃຫ້ທຶນຈາກສາກົນ ແລະ ສປຊ, ບັນດາອົງການຈັດຕັ້ງທາງສັງຄົມ ກໍໄດ້ມີການເຮັດວຽກຮ່ວມກັນເພື່ອແກ້ໄຂບັນຫາ ແລະ ຫຼຸດຜ່ອນສິ່ງທ້າທາຍເຫຼົ່ານີ້.

ຢູ່ໃນໜ້ານີ້ຈະປະກອບມີຂໍ້ມູນ ແລະ ເຄື່ອງມື ໃຫ້ທຸກພາກສ່ວນກ່ຽວຂ້ອງສາມາດນຳໃຊ້ເຂົ້າໃນການຈັດຕັ້ງປະຕິບັດວຽກງານການປັບປຸງຄ້ຳປະກັນສະບຽງອາຫານໃນ ສປປ ລາວ. ຢູ່ດ້ານລຸ່ມຈະມີຂໍ້ມູນການສໍາຫຼວດ ແລະ ບົດລາຍງານທີ່ກ່ຽວຂ້ອງກັບຄວາມບໍ່ຫມັ້ນຄົງດ້ານສະບຽງອາຫານຢູ່ໃນປະເທດລາວ ແລະ ຂໍ້ສະເໜີແນະໃນການຕອບໂຕ້ກັບບັນຫາດັ່ງກ່າວ.  ກະລຸນາແບ່ງປັນເອກະສານ ຫຼື ຂໍ້ມູນຂອງໂຄງການທ່ານກັບກອງເລຂາ SUN CSA, ເພື່ອທີ່ຈະສາມາດເພີ່ມຂໍ້ມູນດັ່ງກ່າວລົງໃນໜ້ານີ້ ແລະ ແບ່ງປັນໃຫ້ກັບທຸກພາກສ່ວນທີ່ກ່ຽວຂ້ອງ. ການເຮັດວຽກຮ່ວມກັນຂອງພວກເຮົາ ຈະຊ່ວຍໃຫ້ຫຼາຍຄອບຄົວໃນປະເທດລາວ ມີການຄ້ຳປະກັນດ້ານສະບຽງອາຫານຫຼາຍຂຶ້ນ ແລະ ມີໂພຊະນາການທີ່ດີຂຶ້ນ.

World Food Programme – Household Food Security Surveys

National Information Platform for Nutrition

Centre of Nutrition